රට තුළ ඇති වී තිබෙන කහ හිඟයට විසඳුමක් ලබා ගැනීමට හැකිවන්නේ දැනට වගා කර ඇති කහ අස්වැන්න ලබන ජනවාරි මස අවසානයේ කපා ගෙන මාර්තු මස වන විට පරිභෝජනයට සුදුසු ආකාරයෙන් සකස් කරගත් පසු බව අපනයන කෘෂිකර්ම දෙපාර්තමේන්තුවේ ඉහළ නිලධාරියෙකු News19 වෙත පැවසීය.
ජනාධිපතිවරයා කහ පිටරටවලින් ආනයනය කිරීම තහනම් කළ පසු කහ හෙක්ටයාර් 1500 ක භූමි ප්රමාණයක් වගා කර ඇති බවත් එම වගාවෙන් අමු කහ මෙටි්රක් ටොන් 22500 ක් පමණ ලබා ගත හැකි බවත් මේ වන විට ශ්රී ලංකා යුද හමුදාවද කහ වගා කිරීමට කටයුතු සකස් කර ඇති බවත් එම නිලධාරීයා පැවසීය.
කහ අස්වැන්න ලබා ගත් පසුව එයින් ලබන වසර සඳහා බීජ වශයෙන් අමු කහ මෙට්රික් ටොන් 4000 ක් පමණ වෙන් කරගත යුතු බවත් ඉන්පසුව ඉතිරිවන කහ පරිභෝජනයට සුදුසු පරිදි සකස් කර 2021 මාර්තු මාසයේ අග වෙළඳපොළට නිකුත් කිරීමට හැකි බවත් ඔහු පැවසීය.
කෙසේ වෙතත් කහ ආනායනය තහනම් කළ දින සිට මේ දක්වා කහ කිලෝ ග්රෑම් 50,000 කට ආසන්න ප්රමාණයක් අත්අඩංගුවට ගෙන ඇත.