කොව්ඩ් 19 වෛරසය ආසාදනය වු පොලිස් නිලධාරීන් සංඛ්‍යාව 686ක් දක්වා ඉහළ ගොස් ඇති බව පොලිස් මාධ්‍ය ප්‍රකාශක අජිත් රෝහණ මහතා පවසයි.
නොවැම්බර් 11 දිනයේදී කොවිඩ් 19 වෛරසය ආසාදනය වු පොලිස් නිලධාරීන් 74 ක් හදුනාගෙන ඇත. කෙසේ වෙතත් අප සමඟ අදහස් දැක්වූ ඉහළ පොලිස් නිලධාරියෙකු පැවසුවේ කොවිඩ් ආසාධිතයින් ලෙස මේ දක්වා හඳුනාගෙන ඇති පොලිස් නිලධාරින් සියළු දෙනාම බස්නාහිර පලාතේ සේවය කරන නිලධාරීන් බවත්, දැනට වාර්තා වී ඇති සියළුම ආසාදිතයින් වාර්තා වෙන්නේ නිරෝධායන මධ්‍යස්ථානවල නිරෝධායනය වෙමින් සිටින පිරිස් අතරින් බවත්ය.
කෙසේ වෙතත් මේ වන විට කොටුව පොලිසියේ නිලධාරීන් 82ක්, බොරැල්ල පොලිසියේ නිලධාරීන් 56 ක් සහ පොලිස් විශේෂ කාර්ය බලකායේ පොලිස් නිලධාරීන් 145 ක් ඇතුළු සෙසු පොලිස් ස්ථානවල සේවය කරන පොලිස් නිලධාරීන් කොවිඩ් 19 වෛරසය ආසානය වී ඇත.
