බෝගම්බර පැරණි බන්ධනාගාරයේ තවත් රැඳවියන් 80 ක් සහ කුරුවිට බන්ධනාගාරයේ කාන්තා රැඳවියන් 14 දෙනෙකු කොවිඩ් 19 අසාදනය වී ඇත.
ඒ අනුව කොවිඩ් වෛරසය ආසාදනය වු රැඳවියන් සංඛ්‍යාව 285 දක්වා ඉහල ගොස් ඇති බව බන්ධනාගාර දෙපාර්තමේන්තුව නිවේදනය කර ඇත.
කෙසේ වෙතත් පසුගිය නොවැම්බර් 12 වන දින තමන්ටත් කොවිඩ් 19 ආසාදනය වීමේ වැඩි ඉඩක් ඇති බැවින් ඉක්මනින් පීසීආර් පරීක්ෂණ සිදුකරන ලෙසත් එසේ නොමැති නම් වෙනත් බන්ධනාගාරයකට මාරු කරන ලෙසත් පවසමින් පැරණි බෝගම්බර බන්ධනාගාරයේ රැඳවියන් පිරිසක් වහලය මත නැගී විරෝධතාවයක් ආරම්භ කර තිබුණි.
බන්ධනාගාර රැඳවියන් නිරෝධායනය කිරීම සඳහා එම බන්ධනාගාරය යොදා ගෙන තිබුණු අතර එහි රැඳවියන් 800කට ආසන්න ප්‍රමාණයක් නිරෝධායනය සඳහා යොමුකර ඇත.
