සංක්‍රාන්ති ලිංගිකයන් සඳහා වන පාසලක් බංග්ලාදේශයේ ඩකා අගනුවර ආරම්භ කර තිබෙනවා. මෙය සංක්‍රාන්තික ලිංගිකයන් වෙනුවෙන් එරට ආරම්භ වූ පළමු ආගමික පාසලයි. ඒ අනුව එම පාසලේදී සිසුන් 150 කට වැඩි පිරිසකට ඉස්ලාම් ආගම හා වෘත්තීය නිපුනතාව වැඩි දියුණු කරගැනීමට අදාල විෂයන් නොමිලයේම ඉගෙන ගැනීමට අවස්ථාව සලසා තිබෙනවා.
සංක්‍රාන්ති ලිංගික ප්‍රජාව මේ වන විට බංගලාදේශයේ නිල වශයෙන් පිළිගෙන තිබෙනවා.
මැතිවරණයකදී ඔවුන්ට ඡන්දය දීමට සහ මැතිවරණයට ඉදිරිපත්වීමට අයිතියක් ඇතත්, ගතානුගතික සමාජ ආකල්ප තවමත් ඔවුන්ට රැකියා සහ අධ්‍යාපනය ලබාගැනීමට ඇති ඉඩකඩ වළක්වා තිබෙනවා.
කෙසේ වෙතත් මෙම පාසල ආරම්භ කිරීම එරට සංක්‍රාන්තික ලිංගික ප්‍රජාව ලැබූ ජයග්‍රහණයක් වනවා.
එය තම අයිතීන් වෙනුවෙන් සටන් කරන ලෝක සංක්‍රාන්තික ලිංගික ප්‍රජාවටද ශක්තියක් වනවා.
