අවතැන් වූ පලස්තීනුවන් නවාතැන් ගෙන සිටි ගාසා නගරයේ පාසල් ගොඩනැගිල්ලකට ඊශ්‍රායල එල්ල කළ ගුවන් ප්‍රහාරයකින් පුද්ගලයන් 100කට වැඩි පිරිසක් මියගොස් තවත් බොහෝ පිරිසක් තුවාල ලබා ඇති බව විදෙස් මාධ්‍ය වාර්තා කරනවා.
ඊශ්‍රායලය විසින් එල්ල කළ රොකට් ප්‍රහාර තුනකින් එමප්‍රදේශයේ දරුණු ගින්නක්ද හට ගෙන තිබුණා.
ඊශ්‍රායල හමුදා ප්‍රකාශකයෙකු පවසා ඇත්තේ අල්-ටබායින් නමැති මෙම පාසල හමාස් සහ ඉස්ලාමීය ජිහාඩ් කණ්ඩායම්වල හමුදා මධ්‍යස්ථානයක් ලෙස ක්‍රියාකාරීව පැවති ස්ථානයක් බවයි.
පසුගිය සති කිහිපය පුරාවටම ගාසාහි අවතැන් කඳවුරු කිහිපයකට ඊශ්‍රායල හමුදාව විසින් මෙවැනි ප්‍රහාර එල්ල කරනු ලැබුවා.
එක්සත් ජාතීන්ගේ සංවිධානය පවසන්නේ පසුගිය ජූලි 6 වන දින වන විට ගාසා තීරයේ පාසල් ගොඩනැගිලි 564 න් 477 කට සෘජු ප්‍රහාරයන්ට හෝ හානි කිරීම්වලට ලක්ව ඇති බවයි.
