මහනුවර මහ නගර සභා බල ප්‍රදේශයේ මේ වසරේදී ඉදිකිරීම් සම්බන්ධයෙන් ලැබුණු පැමිණිලි අනුව අනවසර ඉදිකිරීම් 111 ක් හඳුනා ගෙන ඇති බව මහනුවර මහ නගර සභාව පවසනවා.
2016 අංක 12 දරණ තොරතුරු දැන ගැනීමේ අයිතිවාසිකම් පනත අනුව කරන ලද ඉල්ලීමකට ලබා දී ඇති පිළිරේ මේ බව සඳහන් කර තිබෙනවා.
මහනුවර මහ නගර සභාවේ තොරතුරු නිලධාරි සහ ප්‍රධාන නාගරික ඉංජිනේරුවරයා විසින් ලබා දී ඇති තොරතුරු අනුවයි මේ බව වාර්තා වන්නේ.
මෙම අනවසර ඉදිකිරීම් 111 සම්බන්ධයෙන් නගර සභා ආඥාපනත සහ නාගරික සංවර්ධන අධිකාරියේ අණපනත් අනුව අවශ්‍ය පියවර ගෙන ඇති බව පැවසෙනවා.
මහනුවර මහ නගර සභා බල ප්‍රදේශය තුල සිදු කරන අනවසර ඉදිකිරිම් සම්බන්ධයෙන් පසුගිය කාලයේ වැඩි කතා බහක් ඇතිව තිබූ අතර ඒ සම්බ්න්ධයෙන් තොරතුරු දැන ගැනීම සඳහා මෙම ඉල්ලීම සිදු කර තිබෙනවා.
මෙම අනවසර ඉදිකිරීම් ග්‍රාම නිලධාරි මට්ටමින් ලබා දෙන ලෙස ඉල්ලා සිටියත් එලෙස ලේඛණගත කර නොමැති බවද එම තොරතුරුවල සඳහන්.
