ඉන්දීය නාවික හමුදාවට අයත් වේග යාත්‍රාවක්, මගී ප්‍රවාහන යාත්‍රාවක ගැටී සිදු වූ අනතුරකින් පුද්ගලයින් 13 දෙනෙකු මියගොස් තිබෙනවා.
විදෙස් මාධ්‍ය වාර්තා කළේ, නාවික හමුදා සෙබලෙකු ද මියගිය පිරිස අතර වන බවයි.
මගී ප්‍රවාහන යාත්‍රාවේ සිටි 10 දෙනෙකු ද අනතුරින් මියගොස් තිබෙන අතර ඉන්දියාවේ මුම්බායි හී වෙරළට ඔබ්බෙන් මෙම අනතුර සිදුව තිබෙනවා.
ඉන්දීය මාධ්‍ය වාර්තා කළේ, මගී ප්‍රවාහන යාත්‍රාවේ පුද්ගලයින් 110 දෙනෙකු ගමන් කරමින් සිට ඇති අතර නාවික හමුදා යාත්‍රවේ 05 දෙනෙකු සිට ඇති බවයි.
යාත්‍රාවේ සිටි සෙසු පිරිස නිරුපද්‍රිතව බේරා ගෙන තිබෙනවා.
වේග යාත්‍රාවේ එන්ජින් අත්හදා බැලීමක් අතරතුර එය පාලනය කර ගැනීමට නොහැකි වීමෙන් අනතුර සිදුවු බවයි පැවසෙන්නේ.
