“ෆිච් රේටින්ග්ස්” ආයතනය නිවේදනයක් නිකුත් කරමින් පවසන්නේ මෙරට බැංකු 13 ක් පහත හෙළීම සඳහා නිරීක්ෂණයන් ආරම්භ කර ඇති බවයි.
බැංකු පද්ධතියේ විදේශ විනිමය හිඟය හේතුවෙන් මෙම නිරීක්ෂණ තත්ත්වය ආරම්භ කර ඇති බවයි ඔවුන් සදහන් කරන්නේ.
ඒ අනුව මීට බැංකු 13 ක් ඇතුළත්ව ඇති අතර ඊට රාජ්‍ය සහ පෞද්ගලික බැංකු අයත් වනවා.
ඒ අනුව මහජන බැංකුව, කොමර්ෂල් බැංකුව, හැටන් නැෂනල් බැංකුව, සම්පත් බැංකුව, ජාතික සංවර්ධන බැංකුව, ඩී.එෆ්.සී.සී බැංකුව, සෙලාන් බැංකුව, නේෂන්ස් ට්‍රස්ට් බැංකුව, පෑන් ඒෂියා බැංකුව, යූනියන් බැංකුව, අමානා බැංකුව, සණස සංවර්ධන බැංකුව සහ එච්.ඩී.එෆ්.සී බැංකුව අදාළ නිරීක්ෂණයන්ට යටත්.
කෙසේවෙතත් මෙහි සඳහන් නොවන මෙරට මූල්‍ය ආයතනවල ජාතික ශ්‍රේණිගත කිරීම් “ෆිච් රේටින්ග්ස්” විසින් වෙන වෙනම සමාලෝචනය කරනු ඇති.
