අරණායක දිප්පිටියේ විදුහලක හයවෙනි වසරේ ඉගනුම ලබන සිසුන් පිරිසක් ආහාර විෂ වීමකින් රෝහල් ගත කර තිබෙනවා.
මෙසේ රෝහල් ගත කර ඇත්තේ හයවෙනි වසර ඉගෙනුම ලබන සිසුවියන් 12 ක් හා එක් සිසුවකු බවයි සඳහන් වන්නේ.
මෙම සිසුන් 13 දෙනා එලෙස හදිසියේ රෝගී වී තිබුණේ අද( 01) දින දිවා ආහාරය සඳහා ලබාදුන් කඩල ආහාරයට ගැනීමෙන් අනතුරුවයි.
සෑම සිකුරාදා දිනකම එම පාසලේ සිසුන්ගේ මව්පියන් විසින් නිවාසවලින් පිළියෙළ කරගෙන එන පෝෂ්‍යදායි ආහරවේලක් ලබාදෙන අතර, අද දිනයේ එම සිසුන්ට කඩල ලබාදී තිබෙනවා.
එම ආහාරයෙන් පසුව සිසුන් 13 දෙනකුට එක් වරම බඩ රිදීම, වමනය යෑම වැනි රෝග ලක්ෂණ පෙන්නුම් කිරීමත් සමඟ ඔවුන් රෝහල් ගත කර ඇතිබවයි වාර්තා වන්නේ .
