පසුගිය දින තුන තුළ ඇෆ්ගනිස්ථානයේ පළාත් කිහිපයක් පුරා පැතිරුණු අධික හිම පතනය හේතුවෙන් පුද්ගලයින් 15 දෙනෙකු මරණයට පත්ව ඇති අතර පුද්ගලයන් 30 කට ආසන්න සංඛ්‍යාවක් තුවාල ලබා ඇති බව වාර්තා වනවා.
මීට අමතරව,හිම පතනය හේතුවෙන් පශු සම්පත් කෙරෙහි විනාශකාරී බලපෑමක් ඇති කර ඇති අතර, සතුන් 10,000කට ආසන්න සංඛ්‍යාවක් මිය ගොස් ඇති බවයි වාර්තා වන්නේ.
ඇෆ්ගනිස්ථානය නිවේදනය කර ඇත්තේ, අධික හිම පතනය නිසා මාර්ග අවහිර වී ජනතාවට එදිනෙදා කටයුතු සිදු කර ගැනීමට නොහැකිවී ඇති අතර, අර්බුදයට ප්‍රතිචාර වශයෙන්, විශේෂයෙන් පශු සම්පත් හිමියන්ට සිදුවන හානිය පිළිබඳව කටයුතු කිරීම සඳහා විවිධ අමාත්‍යාංශවලින් සමන්විත කමිටුවක් පිහිටුවීමටයි.
අවහිර වී ඇති මාර්ග විවෘත කිරීමට, විපතට පත් ජනතාවට ආහාර බෙදා හැරීමට සහ අධික හිම පතනයෙන් පසු අතරමං වූවන් බේරා ගැනීමට කටයුතු කරන මෙන් කෘෂිකර්ම, වාරිමාර්ග සහ පශු සම්පත් අමාත්‍යාංශය සඳහා තලේබාන් සංවිධානය කමිටු පත් කර තිබෙනවා.
විදෙස් වාර්තා පවසන්නේ, හිම පතනයෙන් විපතට පත් වූ පුද්ගලයින් වෙත ළඟා වෙමින් , තාවකාලිකව අවහිර වී ඇති මාර්ග යතා තත්ත්වයට පත්කිරීමට නිලධාරින් කටයුතු කරන බවයි.
