ලෝක බැංකුවෙන් ශ්‍රී ලංකාවට ඩොලර් මිලියන 160ක් ලැබී ඇති බවත් එම මුදල් ඉන්ධන මිලදී ගැනීමට යොදා ගත හැකිද යන්න පිළිබඳව සාකච්ඡා කරමින් සිටින බවත් අග්‍රාමාත්‍ය රනිල් වික්‍රමසිංහ පාර්ලිමේන්තුවේදී පවසා සිටියා.
මේ අතර, සමගි ජන බලවේගයේ ආචාර්ය හර්ෂ ද සිල්වා මන්ත්‍රීවරයා නැගූ ප්‍රශ්නයකට පිළිතුරු දෙමින් අග්‍රාමාත්‍යවරයා ප්‍රකාශ කර සිටියේ වත්මන් ආර්ථික අර්බුදය සම්බන්ධයෙන් ඇතැම් සත්‍ය තොරතුරු සොයාගැනීමට නොහැකි අතර ඇතැම් තොරතුරු තවමත් ලැබී නොමැති බවයි.
එමෙන්ම, ඖෂධ වර්ග 14ක හිඟයක් පවතින බැවින් එම ඖෂධ සපයා ගැණීමට විපක්ෂයේ සහය බලාපොරොත්තු වන බවත් ඔහු පවසා සිටියා.
තමන් ආණ්ඩුව රැකීමට උත්සහ කරන බවට ඇතැමුන් චෝදනා කළත් තමන්ට එලෙස කිරීමේ අවශ්‍යතාවයක් නොමැති බවත් නීතියට අනුකූලව කටයුතු සිදුවන බවත් අග්‍රාමාත්‍යවරයා එහිදී වැඩිදුරටත් පවසා සිටියා.
