වයස අවුරුදු 15ක දැරියක් දූෂණය කළ සිද්ධියක් සම්බන්ධයෙන් 17 හැවිරිදි තරුණයකු මාරවිල පොලීසිය විසින් අත්අඩංගුවට තිබෙනවා.
මෙසේ අත්අඩංගුවට ගෙන ඇත්තේ පින්තාරුකරුවෙකු ලෙස රැකියාව කළ ලුණුවිල, දෙමටපිටිය ප්‍රදේශයේ පදිංචි තරුණයෙක්.
පොලීසිය පවසන්නේ සිද්ධියට සම්බන්ධ දැරියගේ මව සහ පියා නොමැති අතර ඇය සිය මිත්තණිය සමඟ ජීවත්ව ඇති බවයි.
තම භාරයේ සිටි මිණිබිරිය අතුරුදහන් වී ඇති බවත් ඇය ලුණුවිල ප්‍රදේශයේ නිවසක සිටින බවත් පවසා වයස අවුරුදු 71ක අදාළ මිත්තණිය පොලීසියට පැමිණිල්ලක් සිදු කර තිබෙනවා.
ඒ අනුව කරන ලද සොයා බැලීමකින් අනතුරුව දැරිය පොලීසිය භාරයට ගෙන, සැකකරු අත්අඩංගුවට ගැනීමට පොලිසිය කටයුතු කර ඇති බව වාර්තා වෙනවා.
අදාළ දැරිය පොලීසිය හමුවේ පවසා ඇත්තේ සැකකරු තමන් සමඟ ප්‍රේම සබඳතාවක් පවත්වා ගෙන ගිය අතර මීට මාස 06කට පමණ පෙර දිනයක දී ඔහු පදිංචි කටුනේරිය නිවසේ දී තමා සමඟ ලිංගික ඇසුරක් පැවැත්වූ බවයි.
දැරිය වෛද්‍ය පරීක්ෂණයක් සදහා මාරවිල මූලික රෝහලට ඇතුළත් කර ඇති අතර, සැකකරු මාරවිල මහෙස්ත්‍රාත් අධිකරණයට ඉදිරිපත් කිරීමට නියමිතයි.
මාරවිල පොලීසිය සිද්ධිය සම්බන්ධයෙන් වැඩිදුර විමර්ශන කටයුතු සිදු කරනවා.
