2025 නව වසර ඊයේ මධ්‍යම රාත්‍රියෙන් මෙරටට උදාවුණා.
ඒ, ලොව පුරා පැවැත්වුණු සැමරුම් සහ මල්වෙඩි සංදර්ශන සමඟයි.
පළමුවෙන් කිරිබාති රාජ්‍යයටත් ඉන් අනතුරුව නවසීලන්තය, ඔස්ට්‍රේලියාව ඇතුළු රටවලට නව වසර උදාවුණා.
මැද පෙරදිග කලාපීය රටවල් ද අවුරුදු උදාව ඉහළින් සැමරූ අතර ඩුබායිහි බර්ජ් කලීෆා කුලුන සුපුරුදු පරිදි විදුලි ආලෝකයෙන් සහ මල් වෙඩිවලින් අලංකාරවත් වුණා.
ආසියානු කලාපයෙන් තායිලන්තය පළමුව උදා වූ අවුරුද්ද සැමරූ අතර ඔවුන්ගේ සැමරුම් අතර බෞද්ධ ආගමික කටයුතුද දක්නට ලැබුණා.
ශ්‍රී ලංකා වාසීන්ද නව වසර විචිත්‍ර අන්දමින් සැමරූ අතර ඊයේ රාත්‍රියේ (31) නව වසර උදාව සැමරීම වෙනුවෙන් විශාල පිරිසක් ගාලු මුවදොර පිටියට සහ කොළඹ ආශ්‍රිත ප්‍රදේශ රැසකට එක්ව තිබෙනවා.
එමෙන්ම, 2025 නව වසර උදාව වෙනුවෙන් මෙම ප්‍රදේශය ආශ්‍රිතව පොලීසිය විසින් විශේෂ ආරක්ෂක වැඩපිලිවෙලක් මෙන්ම විශේෂිත මාර්ග සැලැස්මක් ක්‍රියාත්මක කර තිබුණා.
මෙම ලැබුවාවු 2025 නව වසර සාමය සතුට පිරි සුබ නව වසරක් වේවායි News 19 අපි ඔබ වෙත ප්‍රාර්ථනා කරමු.
