ඉන්ටර්නැෂනල් මාස්ටර්ස් ලීග් පන්දුවාර 20 යි 20 ක්‍රිකට් තරගාවලියේ ශූරතාව ඉන්දීය කණ්ඩායම විසින් දිනා ගනු ලැබුවා.
ඒ, ඊයේ (16) ඉන්දියාවේ, රායිපූර්හිදි බටහිර ඉන්දීය කොදෙව් මාස්ටර්ස් කණ්ඩායම සමග පැවති අවසන් මහා තරගය කඩුලු 6 කින් ජය ගනිමින්.
තරගයේ කාසියේ වාසිය දිනූ බටහිර ඉන්දීය කොදෙව් මාස්ටර්ස් කණ්ඩායමපළමුව පන්දුවට පහර දීමට තීරණය කළා.
කොදෙව් මාස්ටර්ස් කණ්ඩායම, පන්දුවාර 20 තුළ කඩුලු 7ක් දැවී රැස් කළ ලකුණු සංඛ්‍යාව 148 ක්.
ලකුණු 149ක ඉලක්කය හඹා ගිය ඉන්දීය මාස්ටර්ස් කණ්ඩායම පන්දුවාර 17 යි පන්දුවක් තුළ කඩුලු 4 ක් දැවී සිටියදී තරගය ජය හිමි කරගත්තා.
නායක සචින් තෙන්ඩුල්කාර් ලකුණු 25ක් ද, ගුර්කීරත් සිං ලකුණු 14ක්ද , අගනා ඉනිමක් ක්‍රීඩා කළ අම්බාති රායුඩු පන්දු 50 කදී ලකුණු 74 ක් ද රැස් කළා.
