20 වැනි ව්‍යවස්ථා සංශෝධනය අහෝසි කරමින් ඉදිරිපත් කිරීමට නියමිත 21 වැනි ආණ්ඩු ක්‍රම ව්‍යවස්ථා සංශෝධනයේ යෝජනා කෙටුම්පත සමගි ජන බලවේගය විසින් අද (21) දින පාර්ලිමේන්තුවට ඉදිරිපත් කිරීමට නියමිත වනවා.
මෙම කෙටුම්පත අද පෙරවරුවේ කථානායකවරයා වෙත භාර දීමට සූදානමින් සිටින බවයි වාර්තා වන්නේ.
මේ වනවිට ආණ්ඩුව ද 20 වැනි සංශෝධනය අහෝසි කිරීමේ වැදගත්කම අවබෝධ කරගෙන සිටින බවත් අග්‍රාමාත්‍යවරයා එය පාර්ලිමේන්තුවේදී ද ප්‍රකාශ බවත් විපක්ෂය පෙන්වා දෙන අතර පසුගිය සඳුදා පැවැති පක්ෂ නායක රැස්වීමේදී ද ආණ්ඩු පක්ෂය මේ පිළිබඳව පක්ෂ නායකයන්ට දන්වා ඇති බවයි ඔවුන් පවසන්නේ.
ඊට අනුගතව සමගි ජනබලවේගය සිය නීති විශාරදයින්ගේ සහය ඇතිව මෙම කෙටුම්පත් සකස් කළ බවයි විපක්ෂය පවසන්නේ.
