ශ්‍රී ලංකා මහ බැංකුව විසින් රුපියල් බිලියන 22.27ක මුදල් ප්‍රමාණයක් අලුතින් රටට මුදා හැර ඇති බවට වාර්තා වනවා.
භාණ්ඩාගාර බිල්පත් හා බැඳුම්කර හරහා එම මුදල් මුදාහැර තිබෙනවා.
ශ්‍රී ලංකා මහ බැංකුව සතුව පැවති භාණ්ඩාගාර බිල්පත්, බැඳුම්කර ප්‍රමාණය මාර්තු 14 වැනිදා දිනට රුපියල් බිලියන 1543.97 ලෙසින් මහබැංකු සංඛ්‍යා ලේඛනවල සටහන්ව තිබුණු අතර ඉකුත් සිකුරාදා නිකුත් කළ භාණ්ඩාගාර බිල්පත්, බැඳුම්කර ප්‍රමාණය ලෙස සටහන් වූයේ රුපියල් බිලියන 1521.69ක ප්‍රමාණයක්.
එයින් ගම්‍ය වන්නේ රුපියල් බිලියන 22.27ක මුදල් ප්‍රමාණයක් අලුතින් රටට මුදා හැර ඇති බවයි.
අලුතින් මුදල් නිකුත් කිරීම සඳහා මුදල් අච්චු ගැසීම මහබැංකුව විසින් සාමාන්‍යයෙන් සිදුකරනු ලබනවා.
ආර්ථික විද්‍යාවට අනුව එය මුදල් සංචිත ලෙස හඳුන්වනු ලබන අතර මුදල් අච්චු ගැසීමේ බලය ඇත්තේ ශ්‍රී ලංකා මහ බැංකුව සතුවයි.
1949 අංක 58 දරන මුදල් නීති පනතින් මහ බැංකුවට එම බලය ලැබී තිබෙනවා.
