නයිජීරියාවේ වයඹ දිග කුරිගා නගරයේ පාසලක සිසුන් 280කට වැඩි පිරිසක් පැහැරගෙන ගොස් තිබෙනවා.
ඔවුන් වයස අවුරුදු 8ත් 15ත් අතර පසුවන්නන් බවයි වාර්තා වන්නේ.
විදෙස් මාධ්‍ය වාර්තා කළේ, උදෑසන පාසල් රැස්වීම අතරතුර යතුරු පැදිවලින් පැමිණි ආයුධ සන්නද්ධ පිරිසක් විසින් මෙලෙස පැහැරගෙන ගොස් ඇති බවයි.
එම අවස්ථාවේ තුවක්කුකරුවන් විසින් සිසුවෙකුට වෙඩි තබා ඇතැයි ද සඳහන් වනවා.
විදෙස් මාධ්‍ය වැඩිදුරටත් ප්‍රකාශ කළේ, පැහැරගත් සිසුන් සොයා මෙහෙයුමක් ආරම්භ කර ඇති බවයි.
