කුවේට් හි මධ්‍යම බන්ධනාගාරයේ මත්ද්‍රව්‍ය චෝදනා වලට සිර ගතව සිටි ශ්‍රී ලාංකික සිරකරුවන් 104 දෙනාගෙන් 32 දෙනෙකු දිවයිනට පැමිණියා.
ඒ, කුවේට් රාජ්‍යය සහ ශ්‍රී ලංකාව අතර, 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේයි.
ඒ අනුව ඔවුන් අද කුවේට් ගුවන් හමුදාව සතු යානයකින් මෙරටට පැමිණියා.
මොවුන් කුවේට් රාජ්‍යය තුළ භයානක ඝන‌යේ මත්ද්‍රව්‍ය පාවිච්චි කිරීම, වෙළෙඳාම් හා ජාවාරම් කිරීම සහ ප්‍රවාහනය කිරීම යන චෝදනා යටතේ එරට ආරක්ෂක අංශ නිලධාරීන් විසින් අත් අඩංගුවට ගෙන අධිකරණයට ඉදිරිපත් කර තිබුණා.
අද දිවයිනට පැමිණි මෙම පිරිස බන්ධනාගාර දෙපාර්තමේන්තුවේ නිළධාරීන් විසින් බස් රථයකින් වැලිකඩ බන්ධනාගාරයට රැගෙන ගිය බව වැඩිදුරටත් වාර්තා වනවා.
