රටේ බැංකුවල ඉහළ වෘත්තියවේදීන් 3800කට වැඩි පිරිසක් රට හැර ගොස් ඇති බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
ඔහු මේ බව කියා සිටියේ පසුගිය 16 වනදා දකුණු කොරියාවේ තේතු නගරයේ පැවැති රැස්වීමකට සහභාගී වෙමින්.
අද වන විට අනුරාධපුර ශික්ෂණ රෝහලේ ළමා රෝග විශේෂඥ වෛද්‍යවරු හතර දෙනාම රට හැර ගොස් ඇති හේතුවෙන් ළමා රෝග ඒකකය වසා දැමීමට සිදුව ඇති බවද ඒ මහතා සඳහන් කළා.
මන්ත්‍රීවරයා පෙන්වා දෙන්නේ මෙලෙස වෘත්තීයවේදීන් රට හැර යාම රටෙහි සංවර්ධනයට ප්‍රබලම බලපා ඇති බවයි.
කැළණිය විශ්ව විද්‍යාලයේ තොරතුරු තාක්ෂණ අධ්‍යයන අංශයට අවශ්‍ය ආචාර්යවරු ගණන 26 ක් වුවත් දැන් සිටින්නේ හතර දෙනෙකු පමණක් වන බව ඒ මහතා වැඩිදුරටත් කියා සිටියා.
