කොලොන්නාව තෙල් ගබඩා සංකීර්ණයේ සිට යන ඉන්ධන පිරවු බවුසර්වලින් ඉන්ධන ජාවාරමේ නිරත වූ බවට සැකපිට පුද්ගලයින් 5 දෙනෙකු අත්අඩංගුවට ගෙන තිබෙනවා.
එම ඉන්ධන පිරවු බවුසර් රථවල මුද්‍රා නොකඩා ඉතා සූක්ෂම අයුරින් ඉන්ධන සොරා ගෙන අලෙවි කිරීමේ ජාවාරමක නිරත වූ බවයි වාර්තා වන්නේ.
බණ්ඩාරගම පොලිසිය පවසන්නේ, ඒ සම්බන්ධයෙන් ඉන්ධන බවුසර් රථ දෙකක රියදුරන් දෙදෙනෙක් සහයකයන් දෙදෙනෙක් මෙන්ම ඉන්ධන මිලදී ගත් පුද්ගලයා ද අත්අඩංගුවට ගත් බවයි.
පෙට්‍රල් ලීටර් 70ක් සහ ඩීසල් ලීටර් ඉන්ධන 80ක් සහිත ප්ලාස්ටික් බුලි 7ක් සමගයි සැකකරුවන් අත්අඩංගුවට ගෙන ඇත්තේ.
බණ්ඩාරගම, වැල්මිල්ල, මෛත්‍රී මාවතේදී මෙම අත්අඩංගුවට ගැනීම සිදුකර තිබෙනවා.
