අප්‍රිකානු රටවල සේවයට යෑමේ බලාපොරොත්තුවෙන් සිටින 5000කට ආසන්න පිරිසක් කහ උණ සඳහා එන්නත නොමැතිව විශාල ගැටලුවකට මුහුණ පා තිබෙනවා.
අප්‍රිකානු රටවලට යන පුද්ගලයන් සඳහා සෞඛ්‍ය හේතු මත මෙම එන්නත ලබාගැනීම අනිවාර්ය වන අතර එය ලබා ගැනීම සඳහා ඇති පෝලිම දිනෙන් දින වැඩි වෙමින් පවතින බව සෞඛ්‍ය අංශ පෙන්වා දෙනවා .
සෞඛ්‍ය අමාත්‍යාංශයේ අතිරේක ලේකම් සමන් රත්නායක පවසන්නේ එන්නත් 7500ක් ඇණවුම් කර ඇතත් ඒ සඳහා සැපයුම්කරුවන් තවමත් ඉදිරිපත් වී නොමැති බවයි.
ආසියානු සංවර්ධන බැංකුවේ ආධාර යටතේ එම එන්නත් 3000ක් පමණ ළඟදීම පැමිණීමට නියමිත බවද ඔහු සඳහන් කළා.
මේ අතර ඩොලර් ඉපයීමට බලාපොරොත්තුවෙන් සිටින තරුණයන් සහතික ළඟ තබාගෙන කහ උණ එන්නත නොමැතිව බලා සිටින බවත් සෞඛ්‍ය අමාත්‍යාංශයට එන්නත ගෙන්වීමට නිසි වැඩපිළිවෙලක් නොමැති බවත් කුරුණෑගල දිස්ත්‍රික් මන්ත්‍රී දයාසිරි ජයසේකර මහතා පවසනවා.
ඔහු තවදුරටත් සඳහන් කළේ තත්වයෙන් බාල ඖෂධ සෞඛ්‍ය අමාත්‍යාංශයේ තොග පිටින් රැස් කර ඇති බවයි.
