රජයේ සහ පෞද්ගලික අංශයේ රෝහල් තුළ කොවිඩ් වෛරස ආසාදිතයින් සදහා ප්‍රතිකාර කිරීමට වෙන්කර ඇති දැඩි සත්කාර ඒකකවල ඇදන් 70න් 52ක්ම මේ වන විට පිරී ගොස් ඇති බව සෞඛ්‍ය අංශ පවසනවා.
සෞඛ්‍ය ප්‍රවර්ධන කාර්යාංශය විසින් ඊයේ (17) පැවැත්වූ ප්‍රවෘත්ති සාකච්ඡාවකට එක්වෙමින් කොවිඩ් 19 පිළිබද රාජ්‍ය අමාත්‍යාංශයේ ප්‍රධාන සම්බන්ධීකාරක, සෞඛ්‍ය අමාත්‍යාංශයේ වෛද්‍ය තාක්ෂණික සේවා අධ්‍යක්ෂ, වෛද්‍ය අන්වර් හම්ඩානි මහතා පැවසුවේ පසුගිය කාල සීමාවට වඩා මෙම කාලයේදී ඔක්සිජන් මත යැපෙන කොවිඩ් රෝගීන්ගේද යම් වර්ධනයක් පෙන්නුම් කරන බවයි.
එමෙන්ම මෙරට රාජ්‍ය සහ පෞද්ගලික දෙඅංශයේම කොවිඩ් රෝගීන් සදහා 15,000ක ඇදන් ධාරිතාවයක් පවතින අතර, මේ වන විට ඉන් 30%ක පමණ රෝගීන් ගිලන්ව ප්‍රතිකාර ලබන බව අන්වර් මහතා පෙන්වා දෙනවා.
ඔමික්‍රොන් වෛරස ප්‍රභේද ව්‍යාප්තිය හමුවේ කොවිඩ් මර්දන එන්නත්කරණයට යොමුවීම ඉතා වැදගත් බව වෛද්‍ය අන්වර් හම්ඩානි මහතා ජනතාවගෙන් ඉල්ලා සිටිනවා.
