ඇමරිකාව, යේමනයට එල්ල කළ ගුවන් ප්‍රහාරවලින් මියගිය සංඛ්‍යාව 53 දක්වා ඉහළ ගොස් ඇති බව හූති සටන්කාමීන්ගේ සෞඛ්‍ය අමාත්‍යාංශය පවසනවා.
අදාළ සෞඛ්‍ය අංශ පෙන්වා දෙන්නේ මිය ගිය පිරිස අතරට ළමුන් පස් දෙනෙකුද අයත් බවයි.
රතු මුහුදේදී අමෙරිකානු සහ වෙනත් රටවල නෞකා හූතිවරුන් විසින් කොල්ලකෑම් හා එම නෞකාවලට ඔවුන් එල්ල කරන ප්‍රහාර ඉහළ යාම හේතුවෙන් තීරණාත්මක මෙන්ම ප්‍රබල ගුවන් ප්‍රහාරයක් දියත් කළ බව ඇමරිකාව ඊයේ නිවේදනය කළා.
මෙම ප්‍රහාර මාලාවට ප්‍රතිචාර වශයෙන් හූති නායක අබ්දුල් මලික් අල්-හූති පවසා ඇත්තේ, ඇමරිකාව යේමනයට එල්ල කරන ප්‍රහාර නවත්වන තුරු හූති සටන්කාමීන් රතු මුහුදේ ඇමරිකානු නැව් ඉලක්ක කර ප්‍රහාර එල්ල කිරීම නොනවත්වන බවයි.
මේ අතර, හූති සටන්කාමීන් නෞකාවලට ප්‍රහාර එල්ල කීරීම නවතන තෙක් යේමනයේ හූති සටන්කාමීන් ඉලක්ක කරගමින් දිගින් දිගටම ප්‍රහාර දියත් කරන බව එක්සත් ජනපදයේ ආරක්ෂක ලේකම්වරයා අවධාරණය කර තිබුණා.
