කෝටි 59ක් රජයට අහිමි කරලා

රජයේ ඉඩම් බද්දට ගත් වැවිලි  සමාගම් 23ක්  රුපියල් කෝටි 59  කට ආසන්න බදු  මුදලක්  රජයට ගෙවීම පැහැර හැර ඇති බව ජාතික විගණන කාර්යාලය නිකුත් කළ වාර්තාවක සඳහන් වනවා.

රජයට අයත් හෙක්ටයාර් 249843ක් එම  වැවිලි  සමාගම් වෙත අවුරුදු 53ක කාලයක් සඳහා බදු කුලී පදනම මත පවරාදී තිබූ බවයි එම වාර්තාවෙහි සඳහන් වන්නේ.

කුරුණෑගල සමාගමකින් පමණක් 2023 දෙසැම්බර් 31 දිනට රුපියල් කෝටි 32 කට වැඩි මුදලක් රජයට අයවිය යුතුව තිබූ අතර ඉන් රුපියල් කෝටි 16කට වැඩි මුදලක් වසර පහකට වැඩි කාලයක සිට හිඟව පැවතුණු බවද ජාතික විගණන කාර්යාලය පවසනවා.

වර්තමානයේ දී ශුද්ධ වත්කම් අඩු වී ඇති බව පවසමින් එම සමාගම වසරකට ගෙවිය යුතු බදු මුදල අඩුවෙන් ගෙවා ඇති බවද වාර්තා වනවා.