උතුරේ පළාතේ පොලිස් ස්ථානවලට කැබ් රථ සැපයීම සඳහා ඉන්දියාව ශ්‍රී ලංකා රුපියල් මිලියන 300ක් ලබා දී තිබෙනවා.
මෙය ක්‍රියාත්මක කිරීම සඳහා ඉන්දියානු මහ කොමසාරිස් කාර්යාලය මහජන ආරක්ෂක සහ පාර්ලිමේන්තු කටයුතු අමාත්‍යාංශය සමග ඊයේ (15) අවබෝධතා ගිවිසුමක් අත්සන් කළා.
ඉන්දීය මහ කොමසාරිස් සන්තෝෂ් ජා සහ අමාත්‍යංශ ලේකම් ඩී. ඩබ්ලිව්. ආර්. බී. සෙනෙවිරත්න විසින් අත්සන් කරන ලද මෙම ගිවිසුමට අනුව, අවම වශයෙන් කැබ් රථ 80ක්, අමතර කොටස් සහ උපාංග ඇතුළත්.
උතුරු පළාතේ මෙහෙයුම් කාර්යක්ෂමතාව වැඩි දියුණු කිරීම මගින් නීතිය ක්‍රියාත්මක කිරීමේ හැකියාවන් සහ මහජන ආරක්ෂාව වැඩි දියුණු කිරීම මෙම ව්‍යාපෘතියේ අරමුණයි.
