නොවැම්බර් 12 වන දින දියවන්නා ඔයේ මාළු අල්ලමින් සිටිය දී දියේ ගිලී මියගිය පුද්ගලයාගේ දේහය ඥාතීන් වෙත ලබා දෙන ලෙස ඉල්ලමින් මිය ගිය පුද්ගලයාගේ ඥාතීන් රාජගිරිය, බුත්ගම මංසන්ධිය අසළ විරෝධතාවයක් පැවැත්විය.
නොවැම්බර් 13 වන දින සවස් වරුවේ මෙම විරෝධතාව පවත්වා තිබුණු අතර එයට මිය ගිය පුද්ගලයාගේ ඥාතීන් සහ ප්‍රදේශවාසීන් එකව සිටියේය.
විරෝධතාවයේ නිරත වු පුද්ගලයින් පවසා සිටියේ, මාළු ඇල්ලීමට දියවන්නා ඔයට තවත් පුද්ගලයෙකු සමඟ ගිය මිය ගිය පුද්ගලයාට කොවිඩ් 19 වෛරසය ආසාදිනය වී ඇති බව පවසමින් මියගිය පුද්ගලයාගේ දේහය ඥාතීන් වෙත ලබා නොදෙන බවය.
රාජගිරිය, වැලිකඩ, බුත්ගමුව, ඇළ ඉවුර පාරේ 111/9/බී අංක දරන නිවසේ පදිංචිව සිටි අවුරුදු 26 ක් වයසැති රාජේන්ද්‍රන් රවීන්ද්‍රන් මෙසේ මියගොස් තිබේ. අවුරුදු පහක් වයසැති පිරිමි දරුවකු සහ මාසයක් වයසැති ගැහැණු දරුවකු ඔහුට ඇත.
මියගිය පුද්ගලයා තවත් අයෙක් පසුගිය බ්‍රහස්පතින්දා දියවන්නා ඔයේ බුත්ගමුව ඔයේ මාළු ඇල්ලීම සඳහා බෝට්ටුවකින් ගොස් සිටිය දී යුද හමුදාපති ශවේන්ද්‍ර සිල්වාගේ ආරක්ෂාවට සිටින ආරක්ෂකයින් බෝට්ටුවකින් පැමිණ අදාල පුද්ගලයන් ගමන් කළ ඔරුව පෙරලා දැමු බවත් එක් පුද්ගලයෙකු දියවන්නාවට පැන පීනා ගොස් තම ජීවිතය බේරා ගත් නමුත් අනෙක් පුද්ගලයා මිය ගොස් ඇති බව ඥාතීන් පැවසීය.
