මෙරටට ආනයනය කළ ඖෂධ කන්ටේනර් 41ක් නිෂ්කාෂණ ප්‍රමාද වීම හේතුවෙන් කොළඹ වරායේ රැඳවා තිබෙනවා.
වෛද්‍ය සැපයුම් අංශයේ ජ්‍යෙෂ්ඨ නිලධාරියෙකු සඳහන් කළේ, අඩි 20ක් දිග බහාලුම් 22ක් සහ අඩි 40ක් දිග බහාලුම් 19ක් නිෂ්කාෂණය කර ගැනීමට ඇති බවයි.
විවිධ රටවලින් ආනයනය කරන ලද ඹෟෂධ එම බහාලුම්වල ඇතුළත් වන අතර, ඉන් ඇතැම් ඒවා නිෂ්කාෂණය කර ඇතැත් මෙතෙක් වෛද්‍ය සැපයුම් අංශයට ගෙනවිත් නොමැති බවයි වාර්තා වන්නේ.
මේ පිළිබඳව සෞඛ්‍ය අමාත්‍යාංශයේ ලේකම් වෛද්‍ය පාලිත මහිපාල මහතා කියා සිටියේ, සාම්පල් පරීක්ෂා කිරීමේ ප්‍රමාද හේතුවෙන් එම බහාලුම් නිදහස් කර ගැනීම් ප්‍රමාද වී ඇති බවයි.
ලේකම්වරයා සඳහන් කළේ, ලිපිගොනුවල අඩුපාඩු පැවතීමද ඒවා නිෂ්කාෂණය කර ගැනීමට ප්‍රමාද හට ගෙන ඇති බවයි.
