ඉදිරි දශකය තුළදී සඳ මතුපිට න්‍යෂ්ටික බලාගාරයක් ස්ථාපනය වෙනුවෙන් සැලසුම් සකස් කිරීම සඳහා රුසියාව සහ චීනය විසින් අවධානය යොමු කර ඇති බව විදෙස් මාධ්‍ය වාර්තා කරනවා.
පසුගිය අඟහරුවාදා (05) දින රුසියානු අභ්‍යවකාශ ඒජන්සියේ ප්‍රධානියා මේ බව නිවේදනය කර තිබුණා.
රුසියාවේ රොස්කොස්මොස් ( Roscosmos) හි ප්‍රධානී යූරි බොරිසොව් සඳහන් කර ඇත්තේ මෙම ව්‍යාපෘතිය 2033 සිට 2035 වසර දක්වා කාලය තුළ අවසන් කිරීමට බලාපොරොත්තු වන බවයි.
එසේම රුසියාව න්‍යෂ්ටික බලයෙන් ක්‍රියාත්මකවන භාණ්ඩ ප්‍රවාහන අභ්‍යවකාශ යානයක් තැනීමටද බලාපොරොත්තු වන බව රොස්කොස්මොස් ප්‍රධානියා මෙහිදී පවසා තිබෙනවා.
මෙම ව්‍යාපෘති දෙක සාර්ථකව අවසන් කිරීමට හැකි වුවහොත් සඳෙහි ජනාවාස පිහිටුවීමට එය මහත් පිටුවහලක් වනු ඇති බවද යූරි බොරිසොව් තවදුරටත් සඳහන් කර තිබුණා.
