ස්ත්රී දූෂණ චෝදනාවකට වැරදිකරු වී සිරදඬුවම් ලබාදී සිටි නේපාල ක්රිකට් ක්රීඩක සන්දීප් ලමිචානේව එම චෝදනාවෙන් නිදොස් කොට නිදහස් කිරීමට එරට මහාධිකරණය නියෝග කර තිබෙනවා.
ඒ අනුව, ඔහුට නැවතත් ක්රිකට් ක්රීඩා කිරීමට අවස්ථාව හිමිවන අතර එසේම එළැඹෙන 20යි 20 ලෝක කුසලාන තරගාවලියට එක්වීමටට බොහෝදුරට අවස්ථාව හිමිවෙන බවයි වාරතා වන්නේ.
ඒ සම්බන්ධයෙන් නේපාල ක්රිකට් සංගමය පවසා ඇත්තේ, ජාත්යන්තර ක්රිකට් කවුන්සිලයේ අනුමැතිය ලදහොත් සන්දීප්ව සිය ලෝක කුසලාන සංචිතය සඳහා නම් කරන බවයි.
පතාන් මහාධිකරණ ප්රකාශකයෙක් පැවසුවේ, සාක්ෂිවල තිබූ දෝෂයක් හේතුවෙන් ක්රිකට් ක්රීඩකයා ව නිදහස් කිරීමට අධිකරණය නියෝග කළ බවයි.
කත්මන්ඩු අධිකරණය විසින් පසුගිය ජනවාරි 10 වනදා 18 හැවිරිදි තරුණියක්ව අපයෝජනය කළ බවට එල්ලවූ චෝදනාවට ලමිචානේ වැරදිකරු බවට නියෝග කළා.
එසේම ඔහුට ඩොලර් 2,255ක දඩයක් නියම කළ අතර, වින්දිත තරුණියට ඩොලර් 1500 ක වන්දියක් ගෙවන ලෙසටද නියෝග කර තිබුණා.
ජනවාරි 11 වනදා නේපාල ක්රිකට් සංගමය විසින් ඔහුට තහනමක් පනවනු ලැබුවා.
මෙම මස මුලදී තමාට පනවා ඇති සිරදඬුවමට එරෙහිව සන්දීප් ලමිචානේ අභියාචනයක් ගොනුකළ අතර, එහි නීතිමය කටයුතු කෙරෙන අතරතුර ඔහුව බන්ධනාගාරයෙන් තාවකාලිකව නිදහස් කිරීමට අධිකරණය අනුමැතිය දී තිබුණා.