කෑගල්ල – අවිස්සාවේල්ල මාර්ගයේ කෝට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී අනතුරක් සිදුවී තිබෙනවා.
එම අනතුරින් පුද්ගලයින් 26 දෙනෙකු තුවාල ලබා ඇති අතර ඉන් දෙදෙනෙකුගේ තත්ත්වය බරපතළ බවයි වාර්තා වන්නේ.
අද (18) සවස 4.00 පමණ එම අනතුර සිදුවී ඇති බවයි සඳහන් වන්නේ.
පොලීසිය සැක පළ කරනුයේ, නුවර සිට අවිස්සාවේල්ල බලා ධාවනය වු පෞද්ගලික බස් රථයේ අධික වේගයත්, අපරික්ෂාකාරි ලෙස වෙනත් වාහනයකට ඉස්සර කිරීමට යාමත්, නිසා මෙම අනතුර සිදුවන්නට ඇති බවයි.
තුවාලකරුවන් කෑගල්ල මහ රෝහලට සහ තොරනගහපිටිය ග්‍රාමීය රෝහලට ඇතුළත් කළ බව පිංදෙනිය පොලීසිය පවසනවා.
අනතුරට පත් එක් බස් රථයක රියදුරෙක්ගේ තත්ත්වය බරපතළ වන අතර, අනෙක් රෝගියා කාන්තාවක් බවයි වාර්තා වන්නේ.
