ආනවිලුන්දාව රැම්සා තෙත් බිම ආශ්‍රිත කුරුළු අභය භූමියේ සහ එහි ජල මාර්ගවල කුරුල්ලන් සහ මසුන් සිය ගණනක් මිය ගොස් තිබෙනවා.
පසුගිය දින කිහිපය තුළ මෙම මරණ වාර්තා වන බව ප්‍රදේශවාසීන්ගේ සහ පරිසරවේදීන් සඳහන් කරනවා.
මෙම ප්‍රදේශ තුළ සංක්‍රමණික පක්ෂීන් රංචු නිදහසේ ජීවත් වනවා.
මෙම ප්‍රදේශයට කර්මාන්ත ශාලාවකින් අනවසරයෙන් රසායනික අපද්‍රව්‍ය බැහැර කරන බව සඳහන්.
ඒ හේතුවෙන් මෙලෙස කුරුල්ලන් සහ මසුන් මිය යෑමට හේතු වී ඇති බවටයි ප්‍රදේශවාසීන් පෙන්වා දෙනවා.
මේ අතර මසුන්ගේ සහ පක්ෂීන්ගේ නිදර්ශක මරණයට හේතුව තීරණය කිරීම සඳහා රසායනාගාර පරීක්ෂණ සඳහා පේරාදෙණිය විශේෂ පශු වෛද්‍ය ඒකකයට යොමු කර තිබෙනවා.
කෙසේ වෙතත් එහි ප්‍රතිඵල මේ දක්වා ලැබී නොමැති බව වන සංරක්‍ෂක ඩබ්ලිව්.එල්. උපනන්ද මහතා කියා සිටියා.
කෙසේ වෙතත් ඇල්ගී ඉවත් කිරීම නොසළකා හැරීම හේතුවෙන් ජල මාර්ග අපවිත්‍ර වී ඇති බව ජලජ සංස්කෘතික සංවර්ධන අධිකාරියේ නිලධාරීන් ප්‍රකාශ කළා.
මෙම මරණවලට එය හේතුවක් විය හැකි බව ඔවුන්ගේ මතය වනවා.
