දැනට රක්ෂිත බන්ධනාගාරගත කර සිටින හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහිව ලැබුණු පැමිණිල්ලක් මත විමර්ශනයක් ආරම්භ කළ බව අල්ලස් හෝ දූෂණ චෝදනා විමර්ශන කොමිෂන් සභාව පවසනවා.
ඔහු සෞඛ්‍ය අමාත්‍යවරයා ලෙස සිටියදී එම අමාත්‍යාංශට අයත් නිල රථ දෙකක් අමාත්‍ය ධූරය අහිමි වීමෙන් පසු යළි භාර නොදීම සම්බන්ධයෙන් සිවිල් පුරවැසියෙකු කරන ලද පැමිණිල්ලක් මත එම විමර්ශනය ආරම්භ කර තිබුණා.
2022 වසරේ සෞඛ්‍ය අමාත්‍යවරයාව සිටියදී ඔහුට සහ කාර්ය මණ්ඩලයට භාර දී තිබූ වාහන කිහිපයක් 2023 වසරේ පරිසර අමාත්‍යවරයා ලෙස පත්වීමෙන් පසු එම අමාත්‍යාංශය යටතේ භාවිතා කර තිබෙනවා.
එහිදී අනාවරණය වී ඇත්තේ, සෞඛ්‍ය අමාත්‍යාංශයේ දැනුම් දීම මත කාර්ය මණ්ඩලය වෙත නිකුත් කර තිබූ මෝටර් රථ පමණක් නැවත භාර දී ඇතත්, අමාත්‍ය ධූරයෙන් ඉවත්වීමෙන් පසු කෙහෙළිය රඹුක්වැල්ලට ලබා දී තිබූ නිල රථ දෙක භාර දී නොමැති බවයි.
කෙසේ වෙතත් පසුගිය මැයි මස 24 වනදා එම රථ සෞඛ්‍ය අමාත්‍යාංශයට භාර දී තිබුණ ද එම නිල මෝටර් රථ අවභාවිතා කර තිබේද යන්න පිළිබදව තවදුරටත් විමර්ශන ක්‍රියාත්මක වනවා.
අල්ලස් හෝ දූෂණ චෝදනා විමර්ශන කොමිෂන් සභාව නිකුත්කළ සම්පූර්ණ නිවේදනය පහතින්,
