එක්සත් ජාතීන්ගේ සාම සාධක හමුදාවේ ගුවන් කටයුතු සඳහා ශ්‍රී ලංකා ගුවන් හමුදාව සතු MI 17 වර්ගයේ හෙලිකොප්ටර් යානයක් මධ්‍යම අප්‍රිකානු ජන රජය වෙත රැගෙන යාම සඳහා ලොව විශාලතම භාණ්ඩ ප්‍රවාහන ගුවන් යානාව වන රුසියාවේ නිෂ්පාදිත ඇන්ටනෝව් AN 124 ගුවන් යානය ඊයේ (28) මෙරටට පැමිණියා.
කටුනායක ජාත්‍යන්තර ගුවන් තොටුපොළේදී ශ්‍රී ලංකා ගුවන් හමුදාවෙන් එම ගුවන් යානයට හිමිවුයේ සුවිශේෂී පිළිගැනීමක්.
ඇන්ටනෝව් AN 124 ගුවන් යානය මේවනවිට සැලකෙන්නේ ලොව විශාලතම භාණ්ඩ ප්‍රවාහන ගුවන් යානය ලෙසයි.
මෙම ඇන්ටනෝව් යානයට ටොන් 150කට අධික බරක් රැගෙන යාමේ හැකියාව පවතිනවා.
මීට පෙර ලොව විශාලතම ගුවන් යානය ලෙස සැලකුනේ ඇන්ටනෝව් AN 225 ගුවන් යානයයි.
එම ගුවන් යානයද මීට වසර 06කට පෙර ශ්‍රී ලංකාවට පැමිණ තිබූ අතර එම යානය අවාසනාවන්ත ලෙස 2023 වසරේ දී රුසියානු – යුක්‍රේන යුද්ධය අතර තුර යුක්‍රේනයේ කීව් ජාත්‍යන්තර ගුවන්තොටුපොළට එල්ල වූ රුසියානු ගුවන් ප්‍රහාරයකින් විනාශයට පත්වුණා.
