ආරුඪ කරගත් තනතුරකින් නිමල් සිරිපාල ඊයේ (03) තමාව පක්ෂයෙන් ඉවත් කොට ලියුමක් එවා තිබෙන බව පාර්ලිමේන්තු මන්ත්‍රී දයාසිරී ජයසේකර පවසනවා.
ඔහු මේ අදහස් පළ කළේ අද (04) පැවති මාධ්‍ය සාකච්ඡාවකට එක්වෙමින්.
ඔහු සඳහන් කළේ, ශ්‍රීලනිපයේ පක්ෂ සභාපති ලෙස නිමල් සිරිපාල පිළිනොගන්නා බවත්, එම කාරණය මේ වන විට අධිකරණයේ පවතින එකක් බවයි.
එසේ තිබියදී මෙවැනි කටයුතු කරන නිමල් සිරිපාලගේ නීතියෙ දැනුම ගැන පුදුම නොවන බව ද ඔහු පැවසුවා.
එබැවින් පක්ෂයේ සභාපතිවරයෙක් නොමැතිව දේශපාලන මණ්ඩලය රැස් කිරීමට නොහැකි බවත්, රැස්වන්නේ නම් දේශපාලන මණ්ඩලයේ 15 දෙනෙකු සිටිය යුතු බවත් දයාසිරි ජයසේකර කියා සිටියා.
මන්ත්‍රීවරයා වැඩිදුරටත් පවසන්නේ, තමන්ව පක්ෂයේ ලේකම් හැටියට අධිකරණය තීන්දු කරලා තිබෙන අතර තනතුරු ගැටළුව විසඳන්නේ අධිකරණයෙන් බවයි .
