බලන්ගොඩ නගරය ආශ්රිතව ඇති දොරවෙල ඔය ප්රදේශයේදී ඉකුත් 27වනදා 78 හැවිරිදි විවාහක කාන්තාවක දුෂණය කර අභිරහස් ලෙස ඝාතනය කිරීමේ සිද්ධියක් සම්බන්ධයෙන් 17 හැවිරිදි පාසල් සිසුවෙකු සැකපිට අත්අඩංගුවට ගෙන තිබෙනවා.
සැකකාර සිසුවාව බලන්ගොඩ වැඩබලන මහෙස්ත්රාත් ඩී. එමී. චන්ද්රසේකර මහතා හමුවට ඉදිරිපත් කිරීමෙන් පසු ලබන 08වනදා දක්වා රක්ෂිත බන්ධනාගාරගත කර ඇති බවයි වාර්තා වෙන්නේ.
සැකකරු සම්බන්ධයෙන් කායික, මානසික සහ සමාජ රෝග පිළිබඳව වාර්තාවක් කැඳවන ලෙසත් සැකකරු DNA පරීක්ෂණකට යොමු කරන ලෙසත් නියෝග කර ඇති බව සඳහන්.
බලන්ගොඩ මුගුණමලේ ප්රදේශයේ පදිංචිව සිටි එමී.එල්. සිරියාවති නැමති කාන්තාව ඉකුත් 27 වනදා දිය නැමට දොරවෙල ඔයට ගොස් ඇති අතර පසුව ඇයගේ සිරුර දොරවෙල ඔයේ තිබී සොයා ගැනුණා.
බලන්ගොඩ මූලික රෝහලේදී සිදු කළ මරණ පරීක්ෂණයේදී මතුවූ සැකය මත සිද්ධිය සම්බන්ධයෙන් විමර්ශන සිදුකර තිබුණා.
පශ්චාත් මරණ පරීක්ෂණයෙන් තහවුරු වී ඇත්තේ මෙම කාන්තාව අවස්ථා කිහිපයකදීම ලිංගික අපයෝජනයට ලක් කර ගෙල සහ මුඛය සිර කර ඝාතනය සිදුකර ඇති බවටයි.
සිද්ධිය සම්බන්ධයෙන් බලන්ගොඩ පොලීසිය වැඩිදුර විමර්ශන සිදුකරනවා.
තම මව ඔයේ දිය නෑමට ගොස් සිටින අතරතුර සැකකාර තරුණයා එතැනට පැමිණ ඇති බව සිද්ධියට මුහුණ දුන් කාන්තාවගේ පුත්රයා සඳහන් කර තිබෙනවා.