වැලිකන්ද අසේලපුර මහා විද්‍යාලයේ සිසුවියක ගෙනා අත්තන ඇට කෑ එම විද්‍යාලයේ සිසුන් හත් දෙනෙකු ප්‍රතිකාර සඳහා ඊයේ (5) දහවල් වැලිකන්ද රෝහලට ඇතු ළත් කර ඇති බව වැලිකන්ද පොලිසිය පවසනවා.
රෝහල් ආරංචි මාර්ග සඳහන් කරන්නේ අත්තන ඇට කෑමෙන් පසු ශරීරයට විෂ වූ පිරිමි ළමයින් සිව් දෙනෙකු සහ ගැහැනු ළමයින් තිදෙනෙකු වැලිකන්ද රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා පොලොන්නරුව මහ රෝහලට ඇතුළත් කර ඇති බවයි.
දිඹුලාගල අධ්‍යාපන කලාපයට අයත්, වැලිකන්ද අසේලපුර මහා විද්‍යාලයේ 9 ශ්‍රේණියේ සිසුවියක් ඊයේ (05) උදෑසන අත්තන ඇට පාසලට ගෙනවිත් යහළුවන්ට කෑම සඳහා එම ඇට දී ඇති අනාවරණය වී ඇති බව පොලිසිය පවසනවා.
මෙලෙස රෝහල්ගත කර ඇත්තේ අසේලපුර මහා විද්‍යාලයේ 9, 10, 11 හා 12 ශ්‍රේණිවල ඉගෙනුම ලබන සිසුන් හත්දෙනක් බව සඳහන්.
කෙසේවෙතත් මෙමෙ සිසුන්ගේ තත්වය එතරම් බරපතළ නොවන බව වැඩිදුරටත් වාර්තා වෙනවා.
