ක්රිස් සිල්වර්වුඩ්ගෙන් පුරප්පාඩු වූ ශ්රී ලංකා ක්රිකට් ප්රධාන පුහුණුකරු ධූරය සදහා ස්ථිර පුහුණුකරුවෙකු පත්කරගන්නා තෙක් වැඩබලන පුහුණුකරු ලෙස සනත් ජයසූරිය පත්කර ගැනීමට තීරණය කර තිබෙනවා.
ශ්රී ලංකා ක්රිකට් හි වසරක පූර්ණ කාලීන ක්රිකට් උපදේශක ලෙස ඔහු පසුගිය දෙසැම්බර් මාසයේ පත්කර ගනු ලැබුවා.
ජයසූරිය මෙවර විස්සයි20 ලෝක කුසලානයට උපදේශකයකු ලෙසද කණ්ඩායමට එක්වී සිටියා.
ශ්රී ලංකා ක්රිකට් ආයතනය තහවුරු කර ඇත්තේ, ජයසූරිය අන්තර්වාර පුහුණුකරු ලෙස කණ්ඩායම සමග එක්වන නමුත් ආයතනය අඛණ්ඩව පූර්ණකාලීන පුහුණුකරුවකු වෙනුවෙන් දිගටම කටයුතු කරන බවයි.
එංගලන්ත තරගාවලිය දක්වා කොන්ත්රාත්තුව දීර්ඝ කළ සිල්වර්වුඩ් 2024 T20 ලෝක කුසලානයෙන් පසුව පෞද්ගලික හේතුවක් මත ශ්රී ලංකා කණ්ඩායමේ ප්රධාන පුහුණුකරු තනතුරෙන් ඉවත් වීමට තීරණය කළේ පසුගිය 27 වැනිදායි.
ශ්රී ලංකා ක්රිකට් ආයතනය ජයසූරියට පවරා ඇති ප්රධාන පැවරුම වන්නේ ශ්රී ලංකාවේ පැවැත්වෙන තරඟ තුන බැගින් වූ ඉන්දීය සීමිත ඕවර සහ T20 තරගාවලියයි.
ඉන් අනතුරුව එංගලන්තය සමග තරග තුනකින් සමන්විත ටෙස්ට් තරගාවලියක් පැවැත්වීමට නියමිතයි.