දේශපාලන පක්ෂ බෙදා වෙන්කොට මැතිවරණ ජයග්රහණය කිරීමට අතීතයේදී හැකි වුවත් වර්තමානයේදී එසේ කිරීමට හැකියාවක් නැතැයි ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතා පවසනවා.
නාමල් රජපක්ෂ මහතා පවසා ඇත්තේ, පක්ෂ බෙදා වෙන් කර මැතිවරණ ජයග්රහණය කිරීම යල් පැන ගිය උපක්රමයක් බවයි.
2019 දී පක්ෂයේ බෙදීම නිසා එක්සත් ජාතික පක්ෂයට උරුම වූ අන්ත පරාජය ගැන සිතා වැඩ කළ යුතු බවත් පක්ෂ බෙදීම නිසා සිදුවන්නේ නියත මැතිවරණ පරාජයක් බවත් මන්ත්රීවරයා තවදුරටත් අවධාරණය කර තිබෙනවා.
ශ්රී ලංකා නිදහස් පක්ෂය ද බෙදී යෑමෙන් සීසීකඩ ගොස් ඇති අතර එම පාඩම් ඉගෙන දේශපාලකයන් කළ යුත්තේ පක්ෂ කැඩීම නොව එකට ශක්තිමත් කර නැගී සිටීම පමණක්ම බවද නාමල් රාජපක්ෂ මහතා පෙන්වා දෙනවා.