අධ්යාපන චාරිකාවක් අතරතුර කොළඹ ජනප්‍රිය පාසලක ගුරුවරියක් හදිසි රෝගී තත්වයකින් ජීවිතක්ෂයට පත්ව තිබෙනවා.
ජීවිතක්ෂයට පත්වන විට ඇගේ වයස අවුරුදු 55ක්.
මෙම ගුරුවරිය ඇතුළු සිසුවියන් කණ්ඩායම මහනුවරට පැමිණ මහනුවර නගරය හා ආශ්‍රිත විශේෂ ස්ථාන නරඹා ඇති අතර සවස් වරුවේ ශ්‍රී දළදා මාලිගාව නැරඹීම සඳහා ගොස් තිබුණා.
එහිදී ඇය දැඩි රෝගී තත්ත්වයකට පත්ව ඇති අතර වහාම ඇය මහනුවර ජාතික රෝහල වෙත ඇතුළත් කිරීමට අධ්යාපන චාරිකාවට සහභාගී වූ පිරිස කටයුතු කර තිබෙනවා.
කෙසේවෙතත්, රෝහලට ඇතුළත් කිරීමේදී ඇය ජීවිතක්ෂයට පත්ව ඇති බව‍යි වාර්තා වෙන්නේ.
