කල්පිටිය අධ්යාපන කොට්ඨශයට අයත් පාසැලක සිසුන් සිව් දෙනෙකු පාසැල නිමාවී එමින් සිටියදී පාසැලට නුදුරින් මහ මගදී සිසුවෙකුගේ පියෙකු විසින් පහරදීමේ සිද්ධියක් හේතුවෙන් රෝහල් ගත කොට ඇතැයි කල්පිටිය පොලිසිය පවසනවා.
පාසලේ අවසාන කාලඡේදය තුළ, පසුගියදා 9වැනි ශ්රේණියේ සිසුන් තිදෙනෙකු එම පන්තියේම සිසුවෙකුට පහරදීමේ සිද්ධියක් සිදුවී තිබුණා.
අනතුරුව එම පහර කෑමට ලක්වූ සිසුවා ඔහුව කැටුව යාමට පැමිණි සිය පියාට සිද්ධිය සැළකිරීමත් සමග කෝපයට පත් පියා එම සිසුන් තුන්දෙනාටත් ඔවුන් සමග සිටි 8 වසරේ තවත් සිසුවෙකුටත් පහර දී ඇති බව වාර්තා වනවා.
මෙසේ පහර කෑමට ලක් වූ 13 හැවිරිදි දරුවෙකු සහ 14 හැවිරිදි දරුවෙකු කල්පිටිය රෝහලේ නේවාසිකව ප්රතිකාර ලබමින් සිටිනවා.
තවත් දරුවන් දෙදෙනෙකු සහ දරුවන් විසින් පහර දුන්නා යැයි කියන සිසුවෙකුද ඇතුලුව 14 හැවිරිදි දරුවන් තිදෙනෙකු පුත්තලම මූලික රෝහලේ ප්රතිකාර ලබනවා.
මේ පිළිබදව කල්පිටිය ළමා හා කාන්තා කාර්යාංශය සඳහන් කර ඇත්තේ, සිද්ධියට අදාළ පහර දුන් බවට සැක කෙරෙන තිහලිය ප්රදේශයේ පදිංචි 45 හැවිරිදි පියා මේ වන විට අත්අඩංගුවට ගෙන ඇති බවයි.