මැතිවරණ නීති උල්ලංඝණය කරමින් ආරක්ෂක රාජ්ය අමාත්ය ප්රමිත බණ්ඩාර තෙන්නකොන් මහතා හා හිටපු අමාත්ය ජනක බණ්ඩාර තෙන්නකෝන් මහතා ඇතුළු පාක්ෂිකයින් පිරිසක් ඊයේ (08) පස්වරුවේ දඹුල්ල නගරයේ අත්පත්රිකා බෙදමින් සිටියදී පොලිසිය විසින් එය විසුරුවා හැර තිබෙනවා
එය වැළැක්වීමට උත්සාහ කිරීමත් සමග උණුසුම් තත්ත්වයක් ඇති වු බවට වාර්තා වනවා.
ප්රමිත බණ්ඩාර තෙන්නකොන් හා ජනක බණ්ඩාර මහතා පාක්ෂිකයින් පිරිසක් ද සමග දඹුල්ල නගර මධ්යයේදී ස්වාධීන ජනාධිපති ධූර අපේක්ෂක රනිල් වික්රමසිංහ මහතාගේ මැතිවරණ ප්රචාරණ කටයුත්තක යෙදී සිට තිබුණා.
100කට අධික පිරිසක් මෙලෙස දඹුල්ල නගරයේ රනිල් වික්රමසිංහ මහතාගේ මැතිවරණ අත්පත්රිකා බෙදමින් සිට තිබු අතර එය මැතිවරණ නීති උල්ලංඝනය කිරීමක් බැවින් පොලිසිය විසින් එය වැළැක්වීමට පියවර ගත් බව පැවසෙනවා.
කෙසේවෙතත් මැතිවරණ නීති උල්ලංඝනය කිරීමේ වරදට ඔවුන්ව අත්අඩංගුවට ගැනීමට සිදුවන බව පොලිසිය ප්රකාශ කිරීමත් සමඟ මෙම පිරිස විසිර ගිය බවට වාර්තා වනවා.