ජනාධිපතිවරණයේ නිල ඡන්ද දැන්වීම් පත්රිකා බෙදා හැරීමේ කටයුතු මේ දිනවල සිදුකෙරෙමින් පවතිනවා.
පැෆ්රල් හි විධායක අධ්යක්ෂ රෝහණ හෙට්ටිආරච්චි මහතා සඳහන් කළේ අනන්යතාව තහවුරු කළ හැකිනම් නිල ඡන්ද දැන්වීම් පත්රිකාව නොතිබීම ඡන්දය භාවිතයට බරපතළ බාධාවක් නොවන බවයි.
“මැතිවරණ කොමිෂන් සභාව සහ තැපැල් දෙපාර්තමේන්තුව මැදිහත්ව නිල ඡන්ද දැන්වීම් පත්රිකා බෙදා හරිමින් පවතිනවා. ඒක තමයි අපිට ලැබෙන ආරාධනා පත්රය. හැබැයි මේ ආරාධනා පත්රය ලැබුණත් නොලැබුණත් එය ඔබට ඡන්දය පාවිච්චි කිරීම සඳහා බාධාවක් වෙන්නේ නෑ. අපි විශ්වාස කරනවා සෑම ඡන්ද දායකයෙකුගේම අතට මේ ඡන්ද දැන්වීම් පත්රිකාව ලැබෙයි කියලා. මේ නිල ඡන්ද දැන්වීම් පත්රිකාව ඔබට පහසුවක් වේවි ඔබේ ඡන්ද මධ්යස්ථානය සහ ඔබේ අංකය හඳුනාගැනීම සඳහා. හැබැයි ඒක ඔබට නොලැබුණත් කිසිවෙක් ඒ සම්බන්ධයෙන් බිය වියයුතු වන්නේ නෑ. ඡන්දය පාවිච්චි කිරීමට එය බරපතළ බාධාවක් වෙන්නේ නෑ.”
ඡන්ද පොළ මෙන්ම තම නම ඡන්ද නාම ලේඛනයේ ලියාපදිංචි වි තිබෙන බවට දන්නවා නම් තමාගේ අනන්යතාවය තහවුරු කර මැතිවරණ කොමිසමට ඉදිරිපත් කරන ලේඛනවලින් එකක් හෝ ඔබ සතුව තිබේ නම් ඡන්දය පාවිච්චි කිරීමේ හැකියාව තිබෙන බව රෝහණ හෙට්ටිආරච්චි මහතා පවසනවා.