පකිස්තානයේ අද (7) උදෑසන අධිවේගී දුම්රිය දෙකක් ගැටීමෙන් සිදු වූ අනතුරකින් පුද්ගලයින් 30 දෙනෙකු පමණ ජීවිතක්ෂයට පත් වී තවත් පිරිසක් තුවාල ලබා ඇතැයි වාර්තා වේ.
මෙසේ අනතුරට පත් වී ඇත්තේ ලාහෝර් සිට කරච්චි බලා පිටත්ව ගිය Sir Syed Express දුම්රිය සහ කරච්චි සිට සර්ගෝදා බලා ගිය Millat Express දුම්රියන් බව බව එරට මාධ්‍ය අද උදෑසන වාර්තා කරන ලදී.
මෙම අනතුරින් දුම්රිය මැදිරි 13 ත් 14 ත් දක්වා ප්‍රමාණයක් පීලි පැනීමට ලක් වී ඇති අතර හයත් අටත් අතර ප්‍රමණයක් මුළුමනින්ම විනාශ වී ඇතැයි පැවසේ.
මේ හේතුවෙන් ගොට්කි,ධාර්කි,ඔබාරෝ,මිර්පූර්,මැතිලෝ යන රෝහල්වල හදිසි අවස්ථාවක් ප්‍රකාශයට පත් කිරීමට රජය මේ වන විට කටයුතු කර තිබේ.
