පොළොන්නරුව මැදිරිගිරිය පොලිස් වසමේ පිහිටි දිග්ගල්පුර ප්‍රදේශයේ පවත්වාගෙන යන පෞද්ගලික ගල් වැඩපලක නවතා තිබූ එම ගල් වැඩපලට අයත් යන්ත්‍රෝපකරණ 03 කට ඊයේ (19) රාත්‍රියේ නාඳුනන පුද්ගලයන් තිදෙනෙකු විසින් ගිනිතබා විනාශ කර එහි ආරක්ෂක නිළධාරියාට පහරදී තුවාල සිදුකර ඇති බව මැදිරිගිරිය පොලීසිය පවසනවා.
මෙම ගිනි තැබීම සිදුකිරීමෙන් අනතුරුව ගිනි තැබීම සිදුකල පුද්ගලයින් විසින් ආරක්ෂක නිලධාරියා ගසක බැද පහර දී පලාගොස් තිබෙනවා.
මෙලෙස ගිනි තබා ඇත්තේ එම ගල් වැඩපලට අයත් එක්ස්කැවේටර් යන්ත්‍ර 02ක් හා ගල් විඳීම සදහා යොදා ගන්නා ලද යන්ත්‍රයක් බව මැදිරිගිරිය පොලීසිය පවසනවා.
ගිනි තැබීමෙන් යන්ත්‍රෝපකරණ වලට දැඩි හානි සිදුව ඇති අතර ප්‍රහාරයට ලක්වූ පුද්ගලයාගේ තත්වය තරමක් අසාධ්‍ය බව රෝහල් ප්‍රකාශයකයකු සඳහන් කළා.
