කුඩාවැල්ල ධීවර වරායෙන් එක් දවසේ ධීවර රැකියාව කිරීමට ධීවරයින් තිදෙනකු සමග ඉකුත් 21 දා දහවල් 1.30 ට පමණ මුහුදු ගිය ධීවර යාත්‍රාවක් මේ දක්වා ගොඩබිමට නොපැමිණ අතුරුදහන්ව තිබෙන බව තංගල්ල මූලස්ථාන පොලිසිය පවසනවා.
නාකුලුගමුව සීනිමෝදර බටහිර මල්ගම්පුර පදිංචිකරුවෙකුට අයත් මිහින්දි නමැති එක්දින ධීවර යාත්‍රාව මෙලෙස අතුරුදහන්ව තිබෙනවා.
කුඩාවැල්ලේ පදිංචි වයස අවුරුදු 20, 23, 30 වයසේ පසුවන ධීවර තරුණයින් තිදෙනකු අතුරුදහන්ව තිබෙන බව අද (23) එම ධීවරයින්ගේ පවුලේ අය පැමිණ තංගල්ල මූලස්ථාන පොලිසියට පැමිණිලි කර තිබුණා .
අතුරුදහන් ධීවර යාත්‍රාව සොයා වෙනත් බහුදින ධීවර යාත්‍රා කිහිපයක් යොදවා සොයා බැලීම් කරන බවද සිද්ධිය පිලිබදව නාවික හමුදාව දැනුම්වත් කල බවද කුඩාවැල්ල ධීවර වරායේ නිළධාරියෙක් සඳහන් කරනවා.
තංගල්ල මූලස්ථාන පොලිසිය සිද්ධිය ගැන වැඩිදුර පරීක්ෂණ පවත්වනවා.
