ලෝක සෞඛ්‍ය සංවිධානය (WHO) විසින් ගෝලීය මහජන සෞඛ්‍ය හදිසි තත්ත්වයක් ලෙස නම්කළ Mpox හෙවත් වෛරසයේ නව ප්‍රභේදය වැළදුණු ආසාදිතයෙක් පළමුවරට ඉන්දියාවෙන් හඳුනාගෙන ඇති බව විදෙස් මාධ්‍ය වාර්තා පවසනවා.
මේ වන විට අප්‍රිකාවේ ඉතා වේගයෙන් පැතිරෙන මෙම නව ප්‍රභේදය “clade 1b” ලෙස හැඳින්වෙනවා.
ඉන්දීය මාධ්‍ය වාර්තා කරන්නේ මෙම ආසාදිතයා ඩුබායි සිට පැමිණි දකුණු කේරළ ප්‍රාන්තයේ පදිංචි 38 හැවිරිදි පුද්ගලයෙකු බවයි.
එම වෛරසය ආසාදනයේ මූලික රෝග ලක්ෂණ ලෙස උණ ඇතිවීම වන අතර සමෙහි ඇතිවන ගැටිති වැනි තුවාල ඉතා වේදනාකාරී බව පැවසෙනවා.
සෑම ආසාදිතයින් 100කින් 4 දෙනෙක් පමණ මරණයට පත්වීමට ඉඩ ඇති බව සඳහන්.
අප්‍රිකානු මහද්වීපයේ රටවල් කිහිපයක පැතිරයන ‘එම්පොක්ස්’ හෙවත් ‘මංකිපොක්ස්’ වසංගතය ලොව අවධානයට ලක්විය යුතු මහජන සෞඛ්‍ය හදිසි තත්ත්වයක් ලෙස ලෝක සෞඛ්‍ය සංවිධානය ද දැනුම්දී තිබුණා.
