ලෝක ළමා දිනය මුල්කර ගනිමින් කොළඹ සිරිමාවෝ බාලිකා විද්‍යාලයේ ශිෂ්‍ය නායිකා සංසදය අමුතු තාලයේ මුදල් එක්රැස් කිරීමක් සූදානම් කර තිබෙනවා.
ඒ අනුව ළමා දිනය නිමිත්තෙන් පාසල තුළ ක්‍රීඩා ඉසව් කිහිපයක් සංවිධානය කර ඇති අතර ඒ ඒ ක්‍රීඩාවේ නිරතවීම සඳහා සිසුවියන්ගෙන් මුදල් අය කෙරෙනවා.
Spinner Game සඳහා රුපියල් 50 ක්, Ring Toss සඳහා රුපියල් 60 ක්, Baloon Dart සඳහා රුපියල් 50 ක්, Marble Guess සඳහා රුපියල් 50 ක්, Hit the Wicket සඳහා රුපියල් 50 ක මුදලක් එක් සිසුවියකගෙන් අය කෙරෙන බවට අදාළ සංසදය දෙමාපියන් හට දැනුම්දී තිබෙනවා.
කෙසේවෙතත් පාසල් දරුවන්ගෙන් කවරාකාරයකින් හෝ මුදල් එක්රැස් කිරීම වරදක් වන අතර මෙය මුදල් නොමැති දරුවන් අපහසුතාවයට පත්කරන්නක්ද වනවා.
දරුවන්ගෙන් මුදල් එකරැස් කිරීම් නිතර වාර්තා වන කොළඹ සිරිමාවෝ බාලිකා විද්‍යාලය සම්බන්ධයෙන් විෂය භාර අග්‍රාමාත්‍යවරිය ගන්නා ක්‍රියාමාර්ගය කුමක්දැයි දෙමාපියන්ද විමසිල්ලෙන් බලා සිටිනවා.
