දකුණු අප්‍රිකානු කාන්තාවක් ළදරුවන් 10 දෙනෙකු බිහි කිරීමට සමත් වී ඇති අතර එය නව ලෝක වාර්තාවක් වනු ඇතැයි පැවසේ.
දරුවන් බිහිකර ඇත්තේ ගොසියාම් තමාරා සිතොල් (Gosiame Thamara Sithole) නැමති කාන්‍තාවකි.
ඇගේ ස්වාමිපුරුෂයා පවසා ඇත්තේ ස්කෑන් පරීක්ෂාවේ දී ගර්භාෂයේ දරුවන් අට දෙනෙකු පමණක් හඳුනාගත් නමුත් සියලු දෙනා මවිත කරමින් සිය බිරිඳ දරුවන් දස දෙනෙකු බිහි කර ඇති බවයි.
“ඇය පිරිමි ළමයි හත්දෙනෙක් සහ ගැහැණු ළමයි තිදෙනෙක් බිහිකළා. මම සතුටින්. මට වැඩිය කතා කරන්න බැහැ, ”ඇගේ සැමියා ටෙබෝහෝ සොටෙට්සි (Teboho Tsotetsi) සතුටින් පවසා තිබේ.
එක් දකුණු අප්‍රිකානු නිලධාරියෙක් BBC වෙත මෙම උපත තහවුරු කර ඇති නමුත් තවත් නිලධාරියෙක් පවසා ඇත්තේ ඔවුන් තවමත් ළදරුවන් දැක නොමැති බවයි.
ගිනස් කමිටුව මෙම සිදුවීම අධ්‍යයනය කරමින් සිටින බව ද BBC වෙත ප්‍රකාශ කර තිබේ.
එය බොහෝ විට ලෝක වාර්තාවක් වීමේ අවස්ථාව තිබේ.
