කාන්තා ලෝක කුසලාන විස්සයි විස්ස තරගාවලියේ දෙවැනි තරගය ලෙසින් අද (03) ශ්‍රී ලංකා කාන්තා කණ්ඩායම සහ පාකිස්ථාන කාන්තා කණ්ඩායම් අතර තරඟය පැවැත්වෙනවා.
මෙහිදී පළමුවෙන් පන්දුවට පහරදුන් පාකිස්ථානය ලකුණු 116ක් රැස් කිරීමට සමත් වුණා.
ඒ පන්දුවාර 20 අවසානයේ කඩුළු සියල්ල දැවී යාමෙන්.
ඩුබායිහි Sharjah හි පැවැත්වෙන පළමු තරගයේ කාසියේ වාසිය හිමිකරගත් පාකිස්ථානය තීරණය කළේ පළමුවෙන් පන්දුවට පහරදීමටයි.
ඒ අනුව පිටියට පිවිසි පාකිස්ථාන කණ්ඩායමේ නායිකා Fatima Sana ලකුණු 30ක්ද, Nida Dar ලකුණු 23ක්ද, Omaima Sohail ලකුණු 18ක්ද, Sidra Amin ලකුණු 12ක්ද රැස් කිරීමට සමත් වුණා.
පන්දු යැවීමේදී ශ්‍රී ලංකා කාන්තා කණ්ඩායමේ සුගන්ධිකා කුමාරි සහ චමරි අතපත්තු සහ උදේෂිකා ප්‍රබෝධානී කඩුළු 03 බැගින්ද, කවීෂා දිල්හාරි එක් කඩුල්ලක්ද දවා ගැනීමට සමත් වුණා.
ඒ අනුව පිළිතුරු ඉනිම සඳහා ශ්‍රී ලංකාවට ලකුණු 117ක ඉලක්කයක් හිමියි.
