කොටගල ප්‍රදේශයේ පාසලක සෙල්ලම් කරමින් සිටි සිසුවෙකු උඩ පන්දුවක් රැකීමට ගොස් පාසල් ගොඩනැගිල්ලක බිත්තයක හැපී මිය ගොස් තිබෙනවා.
මෙම සිසුවා කොටගල ප්‍රදේශයේ පදිංචි පාසලේ 13 වන ශ්‍රේණියේ ඉගෙනුම ලබන සිසුවෙක්.
පාසලේ ළමයින් සමග ක්‍රිකට් සෙල්ලම් කරමින් සිටියදී උඩ පන්දුවක් රැකීමට ගොස් ලිස්සා යාමෙන් මෙම අනතුර සිදුව තිබෙනවා.
එහිදී බරපතල තුවාල ලැබූ සිසුවා දික්ඔය මුලික රෝහලට ඇතුළත් කිරීමෙන් පසු වැඩිදුර ප්‍රතිකාර සදහා මහනුවර ශික්ෂණ රෝහල වෙත මාරු කර යැවූ අතර එහිදී ඔහු ජීවිතක්ෂයට පත්ව තිබෙනවා.
